२८ लाख रुपयांची भन्नाट बाईक, स्पीड जबरदस्त

भन्नाट आणि जबरदस्त स्पीडने बाईक चालवण्याची ज्यांना आवड आहे. अशा जगभरातील बाईकर्ससाठी आणखी एक नवीन बाईक लवकरच पाहायला मिळणार आहे. ज्यांना बाईक वेगात चालवण्याची सवय आहे. त्यांच्यासाठी इटलीची कंपनी एक नवी बाईक बनवत आहेत. इटलीची MV Agusta आपली जबरदस्त लिमिटेड एडिशन हायपर नेकेड बाईक MV Agusta Rush 1000 चे प्रोडक्शन जूनपासून सुरू करणार आहे. Rush 1000 ला EICMA 2019 मोटरसाइकल शोमध्ये आणले होते. ही बाईक MV Agusta Brutale 1000 वर आधारीत आहे. परंतु, यात कार्बन फायबर कम्पोनेंट्सचा जास्त वापर करण्यात आला आहे. ही खास बाईक आहे. कारण, कंपनी अशा केवळ ३०० बाईक बनवणार आहे. जगभरातील बाईकर्ससाठी केवळ ३०० बाईक बनवण्यात येणार असल्याने भारतात किती जण ही बाईक खरेदी करणार हे जूननंतर स्पष्ट होईल. तर, मग चला या जबरदस्त बाईक संबंधीची काही खास माहिती जाणून घेऊयात...

२८ लाख रुपयांची भन्नाट बाईक, स्पीड जबरदस्त

​पॉवर

MV Agusta Rush 1000 बाइकमध्ये 998cc चे दमदार इंजिन देण्यात आले आहे. हे इंजिन १३००० आरपीएमवर २०८ बीएचपीचे पॉवर आणि ११००० आरपीएमवर ११६ एनएमचे टॉर्क जनरेट करते. बाईकसोबत फॅक्ट्री रेसिंग किटचा पर्याय सुद्धा दिला आहे. ज्यात आफ्टर मार्केट एससी प्रोजेक्ट एग्जॉस्ट आणि ईसीयू रिमॅपचा समावेश आहे. या रेसिंग किटमुळे बाईकचे पॉवर वाढून ते २१२ एचपी होईल, असे कंपनीने सांगितले.

​वेग

MV Agusta चा दावा आहे की, लिमिटेड एडिशन हायपर नेकेड बाईक Rush 1000 ची टॉप स्पीड ३०० किलोमीटर प्रति तास हून जास्त आहे. विना इंधन या बाईकचे वजन १८५ किलो ग्रॅम आहे. तासाला ३०० किलोमीटर वेग असल्याने ही बाईक किती वेगवान आहे, याचा अंदाज बांधता येतो. जगभरात वेगवान बाईक चालवणाऱ्या बाईकर्सची कमी नाही. अनेकांना वेगात बाईक चालवण्याची क्रेझ आहे.

​जबरदस्त फीचर्स

Rush 1000 मोटरसायकलमध्ये जबरदस्त फीचर्स देण्यात आले आहेत. या बाईकमध्ये ८ लेवल ट्रॅक्शन कंट्रोल, Bosch 9 Plus Race ABS, अप/डाऊन क्विकशिफ्टर, विली कंट्रोल, लॉन्च कंट्रोल आणि इलेक्ट्रिकली अॅक्टिव Ohlins EC सस्पेंशन यासारखे फीचर्स दिले आहेत. बाईकमध्ये स्पोर्ट, रेन, रेस आणि कस्टम नावाने चार रायडिंग देण्यात आले आहेत. या बाईकमध्ये दिलेले यासह अन्य फीचर्स सुद्धा जबरदस्त देण्यात आले आहेत.. त्यामुळे ही बाईक खास असणार आहे.

​युनिक डिझाईन

डिझाईनमध्ये Rush 1000 मोटरसायकल युनिक मोटरसायक आहे. ही कंपनीची Brutale 1000 चा ड्रॅग - रेस इंस्पायर्ड व्हर्जन आहे. Brutale 1000 च्या तुलनेत याची डिझाईन मध्ये थोडे बदल केले आहेत. परंतु, हे बदल रश १००० या मोटरसायकलला एक वेगळाच लूक देणारे ठरले आहे. विशेष म्हणजे, या बाईकला दिलेल्या डिझाईनमध्ये हेडलाईट, स्पोक्ड फ्रंट व्हिल, नवीन ५ इंचाचा फुल कलर टीएफटी डिस्प्ले, पॅसेंजर सिट आणि एक्सक्लुसिव पेंट स्कीम यासारखे बदल या बाईकल यूनिक करतात.

​किंमत

Rush 1000 मोटरसायकलची किंमत ३४ हजार यूरो म्हणजेच जवळपास २८.२० लाख रुपये आहे. तर Brutale 1000 ची किंमत २९ हजार ९०० यूरो म्हणजेच २४.८३ लाख रुपये आहे. याच्या तुलनेत नवीन रश १००० जास्त महाग आहे. रश १००० यूरो ४ मॉडलमध्ये उपलब्ध आहे. याचाचा अर्थ ही बाईक भारतात आयात करता येऊ शकणार नाही. कारण, भारतात १ एप्रिल २०२० पासून बीएस४ वाहनांच्या खरेदी विक्रीला बंदी घालण्यात आली आहे. भारतात केवळ बीएस६ मॉडलची खरेदी विक्री करण्यास परवानगी आहे.