ह्युंदाई क्रेटाची नंबर-१ वर झेप, पाहा टॉप ५ कार

देशात मारुतीची कारला मोठी मागणी आहे. परंतु, करोनाचा जबर फटका मारूती कंपनीला बसला आहे. जाणून घ्या मे २०२० मध्ये सर्वात जास्त विक्री झालेल्या टॉप ५ कार बद्दल...

1. टॉप ५ कार

करोना व्हायरसमुळे देशात जवळपास दीड महिन्यांपासून कारची विक्री बंद राहिली आहे. मे च्या दुसऱ्या आठवड्यात लॉकडाऊन नियमांत थोडी सूट दिल्यानंतर ऑटो कंपन्यांनी हळू हळू आपले उत्पादन बनवणे सुरू केले आहे. तसेच विक्री सुद्धा ऑनलाइन सुरू केली आहे. लॉकडाऊन आधी विक्रीची आकडेवारीवर एक नजर टाकल्यास मे मधील गाड्यांची विक्री असमाधानकारक राहिली आहे. तर मेच्या टॉप ५ सेलिंग कारची माहिती जाणून घेतल्यास नवीन Hyundai Creta ने नंबर वनचे स्थान पटकावले आहे. दशकभरानंतर हे पहिल्यांदा घडले आहे. टॉप सेलिंग कारच्या विक्रीत मारुती सुझुकीची कार नाही आहे. देशात मारुतीची कारला मोठी मागणी आहे. परंतु, करोनाचा जबर फटका मारूती कंपनीला बसला आहे. जाणून घ्या मे २०२० मध्ये सर्वात जास्त विक्री झालेल्या टॉप ५ कार बद्दल...

2. ​Maruti Eeco

मारुती सुझुकीची ही गाडी मे मध्ये सर्वात जास्त विकली गेलेल्या गाडीच्या यादीत पाचव्या स्थानावर आहे. मे महिन्यात १६१७ मारुती कारची विक्री झाली आहे. या गाडीची किंमत ३.८० लाख रुपयांपासून सुरू होते. मारुती ईकोचे मायलेज पेट्रोल व्हर्जन १६.११ किलोमीटर आणि सीएनजी व्हर्जन २०.८८ किलोमीटर प्रति लीटर आहे. मारुती सुझुकीची ही गाडी ४ व्हेरियंट्स आणि ६ रंगात उपलब्ध आहे. मारूती सुझुकीची किंमत, वैशिष्ट्ये, आणि मायलेज जाणून घेऊ शकता. तसेच या कारची ऑन रोड किंमत आणि ईएमआय सुद्धा जाऊन घेऊ शकता. कंपनीचे अधिकृत डिलर किंवा वेबसाईटवर याची माहिती मिळेल.

3. ​Mahindra Bolero

महिंद्राची ही प्रसिद्ध एसयूव्ही ला मे महिन्यात विक्रीत चौथ्या स्थानावर राहिली आहे. मे २०२० मध्ये १७१५ महिंद्रा बोलेरोची विक्री झाली आहे. महिंद्राने लॉकडाऊनमध्ये बोलेरोची फेसलिफ्ट मॉडल लाँच केले होते. याची सुरुवातीची किंमत ७.९८ लाख रुपये आहे. महिंद्राची भारतीय बाजारात अपडेटेड बोलेरो लाँच केली आहे. BS6 Mahindra Bolero ची सुरुवातीची किंत ७.७६ लाख रुपये आहे. ही किंमत मुंबईच्या एक्स शो रुमची आहे. बोलेरो फेसलिफ्ट मध्ये सर्वात मोठे अपडेट म्हणजे यात दिलेले इंजिन आहे. तसेच या कारला फ्रेश लूक दिलेला आहे. एसयूव्ही कॉस्मेटिक अपडेट दिले आहे.

4. ​Maruti Dzire

मारुती सुझुकीची ही पॉप्युलर सब कॉम्पॅक्ट सिडान कार मे महिन्यात विक्रीमध्ये टॉप ५ कारच्या विक्रीत तिसऱ्या नंबरवर आहे. मे महिन्यात मारुती डिझायरची विक्री २२१५ युनिट राहिली आहे. मारुती सुझुकीने लॉकडाऊन झाल्यानंतर काही दिवसा आधी फेसलिफ्ट मॉडल लाँच करण्यात आला होता. याची किंमत ५.८९ लाख रुपयांपासून सुरू होते. मारुतीने आपल्या लेटेस्ट ४ मीटर सेडान डिझायरच्या फेसलिफ्ट व्हर्जन भारतात लाँच केले आहे. मारुतीची हीक कार एकूण चार व्हेरियंट एलएक्सआय, वीएक्सआय, झेडएक्सआय आणि ज़ेडएक्सय+ लाँच केले आहे.

5. ​Maruti Ertiga

मारुतीची प्रसिद्ध मल्टी परपज गाडी (MPV) टॉप ५ मध्ये दुसऱ्या नंबरवर आहे. मे महिन्यात २३५३ अर्टिगाची विक्री करण्यात आली आहे. या कारची सुरुवातीची किंमत ७.५९ लाख रुपये आहे. अर्टिगा पेट्रोल आणि सीएनजी व्हर्जन मध्ये उपलब्ध आहे. मारुती सुझुकी अर्टिगा एकूण ७ व्हेरियंट्स आणि ६ रंगात उपलब्ध आहे. मारूती सुझुकची ७ लाख ५९ हजारांपासून १० लाख १३ हजार रुपयांपर्यत किंमत आहे. मारूती अर्टिगामध्ये दोन इंजिन पर्याय दिले आहेत. एक पेट्रोल इंजिन तर दुसरा डिझेल इंजिन पर्याय आहे. नवी पेट्रोल इंजिन १०५ बीएचपीचे पॉवर आणि १३८ एनएमचे टॉर्क जनरेत करते.

 

6. ​Hyundai Creta

ह्युंदाईची ही प्रसिद्ध एसयूव्ही मे महिन्यात ३,२१२ यूनिटची विक्री करण्यात आली. या विक्रसोबत ही कार नंबर वन स्थानावर पोहोचली आहे. नवीन क्रेटा सुद्धा लॉकडाऊन मध्ये वेळेआधीच बाजारात उतवरण्यात आली होती. क्रेटा तीन इंजिनच्या पर्यायात येते. ह्युंदाई क्रेटाची किंमत ९.९९ लाखांपासून १७.२० लाखांपर्यंत आहे. यात १.४ लीटर टर्बोचार्ज्ड पेट्रोल इंजिन आणि १.५ लीटरचे पेट्रोल आणि डिझेल इंजिनचा समावेश आहे. १.५ लीटर पेट्रोल आणि डिझेल इंजिन ११३ बीएचपीचे पॉवर आणि १४४ एनएम पीक टॉर्क जनरेट करते. टर्बो-पेट्रोल इंजिन १३८ बीएचपीचे पॉवर आणि २४२ एनएम जनरेट करते. तिन्ही इंजिन हे बीएस ६ कम्प्लायन्ट आहे.