कावासाकीची नवी बाईक भारतात लाँच, पाहा किंमत-फीचर्स

कावासाकी चाहते अनेक दिवसांपासून नव्या बाईकची वाट पाहत होते. अखेर कंपनीने बाईक चाहत्यासाठी भारतात एक नवीन बाईक लाँच केली आहे. या बाईकची किंमत आधीच्या कावासाकीच्या तुलनेत जास्त आहे.

कावासाकीची नवी बाईक भारतात लाँच, पाहा किंमत-फीचर्स

नवी दिल्लीः कावासाकीने आपली बाईक Ninja 650 ला भारतात लाँच केले आहे. या नव्या बाईकची एक्स शो रूम किंमत ६.२४ लाख रुपये आहे. नव्या बाईकमध्ये ट्विट एलईडी हेडलँम्प, नवीन विंडशील्ड, स्मार्टफोन कनेक्टिविटीसोबत डिजिटल इन्स्ट्रमेंट क्लस्टर आणि अंडरस्कोर एग्जॉस्ट दिले आहे. या बाईकला खास डिझाईन करण्यात आले आहे.

नवीन BSVI Kawasaki Ninja 650 बाईकमध्ये ६४९ सीसी, ४ स्ट्रोक, पॅरलल ट्विन इंजिन आणि ६ स्पीड ट्रान्समिशन देण्यात आले आहे. याचे फ्युल इंजेक्टेड इंजिन ८००० आरपीएमवर ६८ एचपीचे पॉवर आणि ६७०० आरपीएमवर ६४ एनएमचे पिक टॉर्क जनरेट करते. यात व्हॉल्व सिस्टम डिओएचसी, ८ व्हॉल्व्स आहे. बाईकचा ग्राउंड क्लियरेन्स १३० एमएम, फ्युल टँक कॅपिसिटी १५ लीटर आणि व्हीलबेस १४१० एमएम आहे. बाईकमध्ये डनलप स्पोर्टमॅक्स रोडस्पोर्ट टायर २ टायर्स वापरण्यात आले आहे.

नवीन BSVI Kawasaki Ninja 650 मध्ये ६५० लांबीची २११५ एमएम, रुंदी ७४० आणि उंची ११४५ एमएम आहे. बाईकच्या फ्रंटला टेलिस्कोपिक फोर्क आणि रियरमध्ये एजस्टेबल प्रीलोड सोबत हॉरिजोन्टल बॅक लिंक सस्पेन्शन देण्यात आले आहे. ब्रेक्समध्ये या बाईकमध्ये फ्रंटला ड्युअल सेमी फ्लोटिंग पेटल ३०० एमएम पेटल डिस्क आणि रियरमध्ये सिंग २२० एमएम पेटल डिस्क ब्रेक देण्यात आले आहे.

नवीन BSVI Kawasaki Ninja 650 मध्ये पाठीमागच्या सीटवर आधीच्या तुलनेत जास्त रुंदी देण्यात आली आहे. बाईकचा कर्ब वजन १९६ किलो आहे. यात ४.३ इंचाचा फुल कलर्ड टीएफटी इन्स्ट्रूमेंट क्लस्टर देण्यात आला आहे. ज्यामुळे स्मार्टफोन आणि जीपीएस कनेक्टिविटीचा सपोर्ट मिळतो आहे.

जुन्या बाईकच्या तुलनेत नवीन बाईकची किंमत ३५००० रुपये जास्त आहे. ही बाईक दोन रंगात म्हणजेच लाइम ग्रीन इबोनी आणि पर्ल फ्लॅट स्टारडस्ट व्हाईट मध्ये उपलब्ध असणार आहे. या बाईकला कावासाकी डिलरशीपकडून बुक करता येवू शकते.