आवाज न करणारी रॉयल इनफील्डची 'बुलेट'; किंमत १८ लाख ₹

भारदस्त आवाज अशी ओळख असलेल्या रेट्रो बाइक्स बनवणाऱ्या रॉयल इनफिल्ड कंपनीने आता इलेक्ट्रिक मोटरसायकल आणली आहे. या बाइकची किंमत २० हजार यूरो म्हणजेच १८.६ लाख रुपये ठेवण्यात आली आहे.

आवाज न करणारी रॉयल इनफील्डची 'बुलेट'; किंमत १८ लाख ₹

नवी दिल्लीः मोटरसायकलने होणारे प्रदुषण कमी करण्यासाठी इलेक्ट्रिक वाहनं मोठी भूमिका बजावत आहेत. त्यामुळे ऑटो एक्स्पो २०२० मध्ये अनेक इलेक्ट्रिक गाड्या पाहायला मिळाल्या. अनेक इलेक्ट्रिक मोटरबाइक्स बनवणाऱ्या कंपन्यांनी आता आपला मोर्चा इलेक्ट्रिक गाड्या बनवण्याकडे वळवला आहे. भारदस्त आवाज अशी ओळख असलेल्या रेट्रो बाइक्स बनवणाऱ्या रॉयल इनफिल्ड कंपनीने आता इलेक्ट्रिक मोटरसायकल आणली आहे. या बाईकचे खास वैशिष्ट्ये म्हणजे रॉयल इनफिल्डची ही इलेक्ट्रिक बाईक जराही आवाज करीत नाही.

Royal Enfield Photon अशी बुलेट आहे. ज्यात पेट्रोल इंजिन आणि ड्राईवटेन इलेक्ट्रिक सिस्टम बसवण्यात आले आहे. याची मोठी बॅटरी आणि हब माउंटेड इलेक्ट्रीक मोटर बसवण्यात आली आहे. या मोटरबाइकला रॉयल इनफील्डने यूके बेस्ड इलेक्ट्रिक गाडी मॅन्यूफॅक्चरिंग कंपनी इलेक्ट्रिक क्लासिक कार सह पार्टनरशीपमध्ये तयार करण्यात आले आहे. इलेक्ट्रिक क्लासिक कारची ओळख म्हणजे हार्ड कार बनवणे अशी आहे. परंतु, या कंपनीने आता खास बुलेट तयार केली आहे.

इलेक्ट्रिक Royal Enfield Bullet Photon साठी न्यूटन बेस्ड इलेक्ट्रिक क्लासिक कार बॅटरी दिली आहे. जी १५.६ बीएचपी मॅक्झिमम पॉवर जनरेट करते. या बाइकचे टॉर्क फिगर आतापर्यंत समोर आले नाही. परंतु, १४ केडब्ल्यू हब मोटर सुद्धा इतकेच दमदार परफॉर्म करेल असा रॉयल इनफिल्ड कंपनीचा दावा आहे. या बाइकची रेंज जवळपास १२८ किलोमीटर होऊ शकते. तसेच याची टॉप स्पीड ११२ किमी. प्रति तास आहे.

रॉयल इनफील्ड बाइकचा चेसिस आणि सस्पेंशन पेट्रोल व्हर्जनमधून घेतला आहे. म्हणजेच मोटरसायकल सामान्य व्हेरियंटप्रमाणे हँडलिंगमध्ये सामान्य असणार आहे. कमी वजनामुळे यात आवाज आणि व्हायब्रेशन कमी होणार आहे. बाइकमधील ब्रेकिंगमध्ये फ्रंटला २८० एमएम डिस्क आणि रियर व्हिलमध्ये २४० एमएम युनिट देण्यात आले आहे. या बाइकची किंमत २० हजार यूरो म्हणजेच १८.६ लाख रुपये ठेवण्यात आली आहे. या बाइकचे अनेक मॉडेल बनवण्यात आले असून याची किंमत २८.४ लाखांपर्यंत आहे.