टाटाची मस्त ऑफर, ५ हजारांच्या EMI वर नवी कार

करोनाचे संकट गडद झाल्याने आपल्या कारची विक्री वाढवण्यासाठी टाटा मोटर्सने आणखी एका नवीन फायनान्स पॅकेजची घोषणा केली आहे. टाटाची टियागो केवळ ५ हजार रुपये ईएमआयवर खरेदी करता येवू शकणार आहे.

टाटाची मस्त ऑफर, ५ हजारांच्या EMI वर नवी कार

नवी दिल्लीः टाटा मोटर्सने कारची विक्रीला गती देण्यासाठी आणखी एका नवीन फायनान्स पॅकेजची घोषणा केली आहे. 'Keys to Safety' या नावाने या पॅकेजमधून ग्राहकांना सोप्या पद्धतीने फायनान्स आणि खूप मोठ्या कालावधीसाठी लोनसोबत स्वस्त ईएमआय या सारखी सुविधा मिळणार आहे. तसेच फ्रंटलाइन करोना वॉरियर्ससाठी स्पेशल ऑफरचाही या पॅकेजमध्ये समावेश करण्यात आला आहे. या ऑफर अंतर्गत Tata Tiago केवळ ५ हजार रुपये प्रति महिना ईएमआयवर खरेदी करता येणार आहे.

टाटा मोटर्सच्या या स्कीम अंतर्गत टियागोवर स्पेशल लो-कॉस्ट ईएमआय यासारखी सुविधा दिली जात आहे. टाटा टियागोला कस्टमाइज्ड ईएमआय प्लान अंतर्गत ५ हजार रुपयांच्या ईएमआयवर खरेदी करता येऊ शकते. हा ईएमआय सुरुवातीला ६ महिने आणि ५ लाख रुपयांपर्यंत लोनवर असणार आहे. ६ महिन्यांनंतर ईएमआयची रक्कम हळूहळू वाढत जाणार आहे. लोन फेडण्यासाठी जास्तीत जास्त ५ वर्ष कालावधी असणार आहे.

तसेच, कंपनी टियागो खरेदी केल्यानंतर ग्राहकांना शेवटचा ईएमआय भरण्यासाठी तीन व्हॅल्यू अॅडिंग पर्याय निवडण्याची सुविधा सुद्धा देत आहे.

१. ग्राहक शेवटच्या बुलेट ईएमआयचे (५ लाख रुपयांच्या लोनवर ९० हजार) रुपये एकदाच भरुन गाडीचे मालक बनू शकतो.

२. आर्थिक संकटाच्या स्थितीत ग्राहक फायनान्शियल पार्टनर टाटा मोटर्स फायनान्सला कार परत करू शकतो.

३. फायनल ईएमआयला पुन्हा फायनान्स करण्याचा पर्याय.

टाटाच्या अन्य कार आणि एसयूव्हीवर काय ऑफर?
टियागो शिवाय टाटा मोटर्स अन्य कार किंवा एसयूव्ही खरेदी करणाऱ्याला १०० टक्के ऑन रोड फायनान्स सुविधा देत आहे. तसेच याशिवाय, ग्राहकांना ८ वर्षांपर्यंत ईएमआय स्कीम सुविधा देऊ शकते. त्यामुळे महिन्याचा ईएमआय कमी होण्यास मदत मिळणार आहे.

फ्रंटलाइन करोना वॉरियर्ससाठी खास ऑफर
टाटा मोटर्स फ्रंटलाईन करोना वॉरियर्स (डॉक्टर, आरोग्य कर्मचारी, पोलीस) यासारख्या व्यक्तींना ४५ हजार रुपयांपर्यंत स्पेशल बेनिफिट्स देत आहे. ही ऑफर अल्ट्रॉज सोडून सर्व कारवर उपलब्ध आहे.

ऑनलाइन कारच्या विक्रीची सुविधा
करोनाचे संकट गडद झाल्याने टाटाने ऑनलाइन विक्रीची सुविधा दिली आहे. ‘Click to drive’ ही सुविधा सुरू केली आहे. यात ग्राहक कंपनीच्या वेबसाईटवरून टाटाच्या कारची माहिती, टेस्ट ड्राइव्हसाठी विनंती, बुकिंग आणि आपल्या सुविधेनुसार, फायनान्सचा पर्याय निवड करू शकतो. बुकिंग झाल्यानंतर निवड करण्यात आलेला डिलर, ग्राहकांना कॉल करून खरेदीची प्रक्रिया पूर्ण करणार आहे. ही प्रक्रिया सर्व ऑनलाइन असणार आहे. ही प्रक्रिया पूर्ण झाल्यानंतर तुम्ही स्वतः किंवा डिलर कारची डिलिव्हरी आपल्या घरी करू शकतो.