५० हजारांपेक्षा कमी किंमतीतील या मोटरसायकल बेस्ट

भारतीय बाजारात उपलब्ध असलेल्या ५० हजार रुपयांपेक्षा कमी किंमतीत बेस्ट बाईक्ससंबंधी ही माहिती वाचाच...

1. ​TVS Sport

भारतात कमी किंमतीतील मोटरसायकला पसंत केले जाते. कारण, या बाईकचे मायलेज आणि मेनटेन्सवर कमी येणारा खर्च हे प्रमुख कारण आहे. भारतात ३१ मे पर्यंत लॉकडाऊन असणार आहे. तो आणखी वाढणार की सिथिल करणार हे ३१ मे रोजी स्पष्ट होईल. परंतु, करोना व्हायरसमुळे ऑटो क्षेत्राला बसलेले आर्थिक नुकसान भरून काढण्यासाठी केंद्र सरकारने लॉकडाऊन सुरु असताना ऑटो कंपन्यांना काही नियम-अटीवर त्यांना वाहन विक्री करण्याची परवानगी केंद्र सरकारने दिली आहे. त्यामुळे भारतात वाहन विक्रीला सुरुवात झाली आहे. जर तुम्हाला ५० हजार रुपयांपेक्षा कमी किंमतीत मोटरसायकल खरेदी करायची असेल तर या यादीवर एक नजर टाका. याचा तुम्हाला नक्कीच फायदा होईल. भारतीय बाजारात उपलब्ध असलेल्या ५० हजार रुपयांपेक्षा कमी किंमतीत बेस्ट बाईक्ससंबंधी ही माहिती वाचाच.

 

 

2. Bajaj CT 100

५० हजार रुपयांपेक्षा कमी किंमतीत तुम्हाला बजाजची ही प्रसिद्ध बाईक खरेदी करता येऊ शकते. यात १०२ सीसीचे इंजिन देण्यात आले आहे. जे ७.९ पीएस आणि ८.३४ एनएम टॉर्क जनरेट करते. याची टॉप स्पीड ९० किलोमीटर प्रति तास आहे. बजाजची ही बाईक जास्त मायलेज देण्यासाठी म्हणून ओळखली जाते. सीटी १०० दोन व्हेरियंटमध्ये म्हणजेच किक स्टार्ट आणि इलेक्ट्रिक स्टार्टमध्ये उपलब्ध आहे. किक स्टार्टची किंमत ४१ हजार २९ रुपये आहे. तर इलेक्ट्रिक स्टार्ट बाईकची किंमत ४८ हजार ९७३ रुपये आहे. या दोन्ही बाईक्सला ग्रामीण भागात मोठी मागणी आहे.

3. ​Hero HF Deluxe

हिरो मोटोकॉर्पची प्रसिद्ध बाईक या यादीत बसते. ५० हजार रुपयांपेक्षा कमी किंमतीत बाईक खरेदी करायची असेल तर या बाईकची वैशिष्ट्ये एकदा पाहा. या बाईकमध्ये एचएफ डिलस्क मध्ये ९७.२ सीसीचे इंजिन देण्यात आले आहे. जे ८ पीएसचे पॉवर आणि ८.०५ एनएम टॉर्क जनरेट करते. हिरोची या बाईकमध्ये आय३एस टेक्नोलॉजी दिली आहे. जी पेट्रोल वाचवते. तसेच बाईक खास मायलेज देते. या बाईकमध्ये इन्स्टंट पिकअप, हाय टेम्परेचर कंट्रोल आणि ऑल वेदर ईजी स्टार्ट सह फीचर देण्यात आले आहेत. हिरो एचएफ डिलक्सची सुरुवातीची किंमत ४७ हजार ८०० रुपये आहे.

4. ​Bajaj Platina 100

बजाजच्या या बाईकची किंमत ५० हजारांपेक्षा कमी आहे. बजाजची तिसरी बाईक प्लॅटिना आहे. जास्त मायलेज आणि स्वस्त मेनटेन्समुळे ही बाईक खूप जणांना पसंत पडत आहे. प्लॅटिनामध्ये १०२ सीसीचे इंजिन दिले आहे. जे ७.९ पीएसचे पॉवर आणि ८.३४ एनएमचे टॉर्क जनरेट करते. या बाईकमध्ये इंजिन ४ स्पीड गियरबॉक्स देण्यात आले आहे. याची टॉप स्पीड ९० किलोमीटर प्रति तास आहे. बजाजची बाईकमध्ये स्प्रिंग सॉफ्ट सीट्स, रबर फुडपॅड्स आणि डायरेक्शनल टायर यासारखे फीचर्स दिले आहेत. बजाज प्लॅटिनाची सुरुवातीची किंमत ४७ हजार ७६३ रुपये आहे.

 

5. ​TVS Sport

टीव्हीएसच्या या बाईकचा खास यात उल्लेख करावा लागेल. कारण, या बाईकची किंमत ५० हजारांपेक्षा थोडी जास्त आहे. परंतु, या बाईकला भारतात खूप मागणी आहे. या बाईकची सुरुवातीची किंमत ५२ हजार ५०० रुपये आहे. म्हणजेच इतर बाईकच्या तुलनेत अडीच हजार रुपये जास्त आहे. जर तुमचे बजेट थोडे जास्त असेल तर या बाईकचा विचार करायला काहीच हरकत नाही. ५० हजार रुपयांच्या आसपास असलेली ही बाईक खरेदी करता येऊ शकते. टीव्हीएस स्पोर्टमध्ये १०९.७ सीसीचे इंजिन देण्यात आले आहे. जे ८.१८ बीएचपीचे पॉवर जनरेट करते.